Говьсүмбэр аймаг нь Монгол Улсын төвийн бүсийн Зүүн өмнөд хэсэгт оршдог. Хойд талаараа Төв аймгийн Баянцагаан, Баян, Баянжаргалан сумдтай, зүүн ба зүүн хойд хэсгээрээ Хэнтий аймгийн Дэлгэрхаан, Дархан сумдтай, баруун болон баруун өмнөд хэсгээрээ Дорноговь аймгийн Баянжаргалан, Цагаандэлгэр, Говь-Угтаал, сумдтай тус тус хиллэдэг. Засаг захиргаа нутаг дэвсгэрийн хувьд 3 сум 10 багтай, 4740 гаруй өрх, 17000 гаруй хүн амтай хүн амын 50,1 хувийг эрэгтэйчүүд, 49,9 хувийг эмэгтэйчүүд эзэлдэг ба нутаг дэвсгэрийн хувьд 554 мянган га нутаг дэвсгэртэй, далайн түвшнээс дээш 1000-1200 метр өргөгдсөн говь, тал хээр хосолсон эх газрын эрс тэс уур амьсгалтай нутаг юм.