АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ТӨЛӨӨЛӨГЧИД /2024-2028/ ОН

1991.10.12-ны өдөр Хотын Ардын Хурлын АНХДУГААР чуулган44 төлөөлөгчтэй хуралдаж, хотын Ардын Хурлын тэргүүлэгчид, гүйцэтгэх захиргааны даргаар Намсрайжавын Насан-Очир, хурлын тэргүүлэгчдийн нарийн бичгийн даргаар Гэлэгданзангийн Төмөрбаатар нар сонгогдон ажиллаж Говьсүмбэр аймгийн ИТХ-ын түүхэн замнал эхэлсэн.

Говьсүмбэр аймаг байгуулагдсанаар 1994.07.30-нд Нутгийн өөрөө удирдах байгууллага аймгийн ИТХ анхдугаар хуралдаанаа хийж, аймгийн ИТХ-ын төлөөлөгч 21 хүний бүрэн эрхийг зөвшөөрч, аймгийн ИТХ-ын Тэргүүлэгчдийн даргаар Гэлэгсамдангийн Бумцэрэн, нарийн бичгийн даргаар Баярын Пүрэвдорж нарыг сонгож, аймгийн засаг даргад анхдугаар хуралдааны 100 хувийн саналаар Намсрайжавын Насан-Очирын нэрийг дэвшүүлэн Монгол Улсын Ерөнхий сайдад уламжилсан.

1996.10.23-нд Орон нутгийн Хурлын Хоёр дахь удаагийн сонгуулиар байгуулагдсан аймгийн ИТХ-ын АНХДУГААР хуралдаан орон нутгийн сонгуулийн дүнг хэлэлцэж аймгийн ИТХ-ын төлөөлөгчөөр сонгогдсон 25 төлөөлөгчийн /МАХН-16, МҮАН-МСДН-ын Ардчилсан холбоо эвсэл-9/ бүрэн эрхийг зөвшөөрч, аймгийн ИТХ-ын Тэргүүлэгчдийн даргаар Дондовын Уртнасан, нарийн бичгийн даргаар Батмөнхийн Ганболд нарыг сонгож, аймгийн Засаг даргаар Намсрайжавын Насан -Очирын нэрийг дэвшүүлэв.

2000.10.07-нд гурав дахь удаагийн сонгуулиар байгуулагдсан аймгийн ИТХ-ын АНХДУГААР хуралдаан орон нутгийн сонгуулийн дүнгийн тухай сонгуулийн хорооны дарга Б.Ганболдын илтгэлийг хэлэлцэж, аймгийн ИТХ-ын Төлөөлөгчөөр сонгогдсон 25 Төлөөлөгчийн /МАХН-16, МҮАН-МСДН-ын ардчилсан холбоо эвсэл-4, МАШСН-1, бие даагч 4/ бүрэн эрхийг зөвшөөрч, аймгийн ИТХ-ын Тэргүүлэгчдийн даргаар Данзандаржаагийн Гансүхийг сонгож, нарийн бичгийн даргаар Пагамын Базаррагчааг томилж, аймгийн Засаг даргад Жамсрангийн Баянмөнхийн нэрийг дэвшүүлэв.

2004.10.29-нд дөрөв дэх удаагийн сонгуулиар байгуулагдсан аймгийн ИТХ-ын АНХДУГААР хуралдаан орон нутгийн сонгуулийн дүнгийн тухай сонгуулийн хорооны дарга Д.Амарсайханы илтгэлийг хэлэлцэж, аймгийн ИТХ-ын Төлөөлөгчөөр сонгогдсон 25 Төлөөлөгчийн /МАХН-22, МҮАН-МСДН-ын ардчилсан холбоо эвсэл-1, Эх орон нам 1 /-ийн бүрэн эрхийг зөвшөөрч, аймгийн ИТХ-ын Тэргүүлэгчдийн даргаар Данзандаржаагийн Гансүхийг сонгож, аймгийн Засаг даргад Жамсрангийн Баянмөнхийн нэрийг дэвшүүлэв.

2008.10.31-нд тав дахь удаагийн сонгуулиар байгуулагдсан аймгийн ИТХ-ын АНХДУГААР хуралдаан аймгийн ИТХ-ын Төлөөлөгчөөр сонгогдсон 25 Төлөөлөгчийн /МАХН-19, Ардчилсан нам - 5, БНН 1 /-ийн бүрэн эрхийг зөвшөөрч, аймгийн ИТХ-ын Готовын Сайнбаярыг сонгож, аймгийн Засаг даргад Жамсрангийн Баянмөнхийн нэрийг гурав дахь удаагаа дэвшүүлэв.

2012 оны 11-р сарын 30-нд Орон нутгийн Хурлын зургаа дахь сонгуулийн дүнгээр байгуулагдсан аймгийн ИТХ-ын анхдугаар хуралдаан хуралдаж, иргэдийн Хурлыг төлөөлөгчөөр сонгогдсон 17 төлөөлөгч / МАН-9, АН-7 МАХН-1/-ийн бүрэн эрхийг зөвшөөрч, аймгийн ИТХ-ын даргаар Л.Отгонжаргалыг сонгов. 2013 оны 1-р сарын 28-ны өдрийн гуравдугаар хуралдаан болж аймгийн ИТХ-ын Тэргүүлэгчдийн даргаар Дагвадоржийн Баянжаргалыг сонгож аймгийн Засаг даргад Л.Отгонжаргалыг нэр дэвшүүлэв. 2015 оны 12 сарын 04-ны өдрийн хуралдаанаар аймгийн ИТХ-ын даргаар Г.Батсуурийг сонгов.

2016.07.05-нд Орон нутгийн Хурлын долоо дахь удаагийн сонгуулиар байгуулагдсан аймгийн ИТХ-ын АНХДУГААР хуралдаан орон нутгийн сонгуулийн дүнг хэлэлцэж аймгийн ИТХ-ын төлөөлөгчөөр сонгогдсон 16 төлөөлөгчийн бүрэн эрхийг зөвшөөрч, аймгийн ИТХ-ын Тэргүүлэгчдийн даргаар Гансүхийн Батзам, аймгийн Засаг даргаар Г.Батсуурийг нэр дэвшүүлэв.

2020.10.28-нд Орон нутгийн Хурлын найм дахь удаагийн сонгуулиар байгуулагдсан аймгийн ИТХ-ын АНХДУГААР хуралдаан орон нутгийн сонгуулийн дүнг хэлэлцэж аймгийн ИТХ-ын төлөөлөгчөөр сонгогдсон 17 төлөөлөгчийн бүрэн эрхийг зөвшөөрч, аймгийн ИТХ-ын даргаар Шатарын Билэггүмбэрэлийг сонгож, аймгийн Засаг даргаар Г.Батзамыг нэр дэвшүүлж, Ерөнхий сайдад өргөн мэдүүлэв. 2022 оны 12 дугаар сарын 05-ны өдрийн ээлжит бус 12 дугаар хуралдаанаар аймгийн Засаг даргад Г.Батсуурийг нэр дэвшүүлж, Монгол Улсын Ерөнхий сайдад уламжилсан.