Жил бүр уламжлал болгон аймгийн ГХУСАЗСЗ-өөс Боловсрол соёл, урлагийн газар, Замын цагдаагийн тасагтай хамтран зам тээврийн ослоос урьдчилан сэргийлэх, замын хөдөлгөөний дүрмийн мэдлэгийг дээшлүүлэх зорилгоор “Ногоон гэрэл цагаан шугам-2017” тэмцээнийг зохион байгуулдаг билээ. Тэмцээнийг жил бүр бага ангийн хүүхдүүдийн дунд 1,2,3 дугаар байр эзлүүлэн зохион байгуулдаг байсан бол энэ жил хүүхдэд нөлөөлөх нөлөөлөл, илүү олон хүүхдэд хүргэх зорилгоор жүжигчилсэн тоглолт, асуулт хариулт хэлбэрээр зохион байгуулж 3-5 дугаар ангийн 800 орчим хүүхэдэд хүргэлээ.Мөн Шивээговь суманд очиж тоглолтоо үзүүлсэн нь зам тээврийн ослоос урьдчилан сэргийлэх, замын хөдөлгөөний дүрмийн мэдлэгийг илүү өргөн цар хүрээтэйгээр хүүхдэд хүрсэнээрээ онцлог болж өнгөрлөө.