Сүмбэр сумын 4, 5, 6-р багийн "ХӨДӨӨГИЙН БАЯСГАЛАН" хөдөөгийн малчин залуучуудын урлаг соёлын өдөрлөг 2018 оны 08 дугаар сарын 25-нд 5-р багийн нутаг "Уулзварын голд" зохион байгуулагдлаа. Өдөрлөгт аймгийн ИТХ-ын дарга Г.Батзам, Нарийн бичгийн дарга Ж.Оюунбилэг, Сүмбэр сумын Засаг дарга П.Амарсайхан болон багийн Засаг дарга нар оролцсон бөгөөд өдөрлөгт оролцогчид холимог волейбол, хүч тамирын дасгал хийх, цагариг эргүүлэх, бие бялдрын сорилын тэмцээн, АХА, хөгжөөнт буухиа, олс таталт гэсэн төрлүүдээр өрсөлдөж шилдгүүдээ тодрууллаа.

Аймгийн ИТХ-аас багийн үйл ажиллагааг дэмжих зорилгоор багийн дарга нарт зөөврийн компьютерийг бүрэн хэрэгслийн хамт болон тус бүр 200000 төгрөгийн дэмжлэг үзүүлж, малчин залуучуудтай санал, бодлыг сонслоо.