Монгол Улсын Ардчилсан, шинэ Үндсэн хууль батлагдсаны 23 жилийн ойн өдөрт зориулан Улсын Их Хурлын дарга З.Энхболдын ивээл дор зохион явуулсан Шатар сонирхогчдын улсын аварга шалгаруулах тэмцээн Төрийн ордонд 2015.01.10, 11-ны өдрүүдэд болж өндөрлөлөө.

Шатар сонирхогчдын улсын аварга шалгаруулах тэмцээний эрэгтэйчүүдийн ангилалд 94 шатарчин өрсөлдсөнөөс манай аймгийн шатарчин Г.ХАРУУЛБААТАР шагналт 4-р байрт шалгарсан амжилтыг үзүүллээ. Тэрээр өнгөрсөн жил тус тэмцээнд мөнгөн медаль хүртэж байсан юм.