Мөрөөрөө мөнчийж, мөнчигрөөрөө гилтийж, бор зүрхээрээ зүтгэн жижиг дунд үйлдвэрлэл, бизнес аж ахуйгаа өөд татан яваа жинхэнэ БАЯЛАГ БҮТЭЭГЧ олон хүн бий. Энэ нийгэмд хөдөлмөрөлсөн хүн сайн сайхан амьдарах бичигдээгүй хуультай. Бид сайныг олж харахаасаа илүү саарыг их байгаа мэтээр байнга ярьж, ядуурлаа, зовлоо, турж үхлээ, тарж ойчлоо л гээд байна. Гэтэл нийгэм бүхэлдээ, хүмүүсийн амьдрал нийтээрээ дэгжин дээшилсэн байгаа шүү. Ухаан нь манай Чойр хотын доторх бүх такси машинаа шинэчилсэн байгаа, одоо PRIUS-20 зүгээр л цэцэрлэгтээ хүүхэд зөөдөг унаа болж. Бүгдээрээ л пицца захиалаад, кола уугаад л. Ингээд гэрэл гэгээтэй, сайн сайхан болж байгаагаа өөр хоорондоо халуунаар хөөрөлдөж байцгааяа таминь. Хэвлэл мэдээллийн "МАСС" групп, ЕТВ, "Шинэ Чойр" ТВ-үүд хамтран "БИД БАЯЛАГ БҮТЭЭГЧИД" цуврал нэвтрүүлэг, сонины сурвалжлага, нийтлэл бэлтгэн олон нийтийн хүртээл болгож байна. Чухам ийм ажлаар Масс группын ЕТВ-ийн уран бүтээлчид манай аймагт хоёр өдрийн томилолттой ажиллалаа. Тэд Баянталын ноос, ноолуур угааж самнах, анхан шатны боловсруулалт хийдэг "Чойр хайрхан" үйлдвэр, Сүмбэрийн "Айс бээр" үнээний ферм, модон эдлэл үйлдвэрлэлийн "Мөнх Авзага хайрхан ХХК, кракул арьсны "Сүмбэр хонь" аж ахуй зэрэг газруудаар сурвалжлага хийж байна.Энэ удаа "Чойр хайрхан"-нд ажилллсан мэдээллийг оруулав.,