Манай улс 1952 оноос жил бүрийн 6 дугаар сарын 1-нийг хүүхдийн эрхийг хамгаалах өдөр болгон тэмдэглэж эхэлсэн түүхтэй. Эдүгээ Монгол орон “Эх үрсийн баяр”-ыг үндэсний хэмжээнд бүх нийтийн амралтын өдөр болгон хуульчлан тэмдэглэдэг цөөхөн улс орны нэг болсон бөгөөд энэхүү тэмдэглэлт өдрийг тохиолдуулан олон хүүхэд төрүүлж, өсгөн хүмүүжүүлсэн ээжүүдэд Монгол Улсын Ерөнхийлөгчийн зарлигаар “Алдарт эх”-ийн одон гардууллаа.  “Алдарт эх”-ийн нэг дүгээр одонгоор 4 ээж, хоёр дугаар одонгоор 53 ээж шагнагдсан байна.