Сум, дүүргийн Иргэдийн Төлөөлөгчдийн Хурлын 2016 оны сонгуулийн санал хураалт 10 дугаар сарын 19-ний өдөр явагдлаа. Говьсүмбэр аймгийн хэмжээнд Сүмбэр суманд 31, Баянтал суманд 15, Шивээговь суманд 21 нийт 67 мандатын төлөө 136 нэр дэвшигч өрсөлдлөө.
Сонгуулийн дүн гарахад Сүмбэр сумын 31 мандатын 25 Монгол Ардын намаас нэр дэвшигч, 6 Ардчилсан намаас нэр дэвшигч ялалт байгуулсан бол Шивээговь сумын 21 мандатын 15 Ардчилсан намаас нэр дэвшигч, 6 Монгол Ардын намаас нэр дэвшигч ялалт байгуулжээ. Харин Баянтал сумын 15 мандатын 14 Монгол Ардын намаас нэр дэвшигч, 1 Ардчилсан намаас нэр дэвшигч ялалт байгуулж, аймгийн хэмжээнд 62.89 хувийн ирцтэй санал өгсөн байна.
